| 登录 注册 发新帖 |
|
rickydu
武林高手
|
[] 【分享】【3周刊】天國的箭豬 陳鍵鋒-->翻查陳鍵鋒資料，在一個福音網頁看到他有以下一段話：「依K信仰行，不會錯到甚麼地方，即使偏離了一點，幅度也不會很大，但人如果沒有信仰，就會變得很散。」 的而且確，陳鍵鋒出生自基督教家庭，自小信了教，生得青靚白淨冰清玉潔，狀似落入凡間的天使，只是後來誤打誤撞做了DJ入了娛圈，但做的角色統統是乖乖仔之類，即使在第10集誤入歧途，都例牌會在第20集大結局浪子回頭。 奸不起？最近在《黑白戰場》，便真真正正做起大奸狗，只是海報上，陳鍵鋒的名字旁還寫?「特別演出」，依然不是由頭奸到尾。 現實中，陳鍵鋒唯一一次做是非精，就是拍《學警雄心》與初入世途的薛凱琪唔妥。 可能正如陳鍵鋒所說：因為信仰，即使走歪了，但也不會太離譜。到最後，大眾只會覺得是女方嬌生慣養唔識撈，而體恤男方。 外型情操都可能同天使近磅的陳鍵鋒，卻以自我保護意識極強的箭豬來形容自己。 幸好對?我，他沒有伸出那些刺。 在一眾新人中，陳鍵鋒可算是一個異數。96年陪朋友參加DJ大募集，朋友失敗了，陪考的陳鍵鋒反而成功踏上DJ之路，隨後又得到譚詠麟垂青，力邀加盟樂壇。其後，轉戰電視圈，便以極速當上主角，雖未至於要風得風，但總算星途一片光明。 誤會 陳鍵鋒加入無线後，電視劇一部接一部，人紅，新聞自然來。剛播映的《學警雄心》，可算是陳鍵鋒拍得最辛苦的一套劇，除了要日曬雨淋，與女主角薛凱琪的不和傳聞，更如連續劇般不斷被傳媒報道。對於薛凱琪（Fiona），陳鍵鋒直言彼此關係只屬普通朋友，而不是薛凱琪口中的best friend程度。 我同薛凱琪都屬於口直心快有?就直接講的人，大家都不會兜圈講廢話，所以當其他人聽到我倆說話的方式，就可能會諗：「嘩，佢?咁講?，梗係唔妥喇！」。但我可以話你聽，我同Fiona可以用朋友來形容，但就未到Fiona所講，好朋友?種。 其實，我覺得同Fiona一齊感覺好舒服，因為我同佢都唔鍾意同人兜圈，鍾意直接，唔鍾意估來估去。 每個人對好朋友的定義都不同，或者在Fiona心目中，我們是好朋友，但在我而言，我諗我一生人中，只有好少人可以被我認定是好朋友。 我承認，我的自我保護意識好強，但唔代表我難相處，我都可以好大癲大肺，亦可以同你傾好多?，但一定不會是內心說話。記得有一次，有個朋友同我玩心理測驗，佢要我用一隻動物形容自己，我諗都冇諗就答?箭豬，後來朋友同我講，動物係代表我的性格，仲話個測驗好準，因為在他們心目中，我就好似一隻箭豬咁，好識保護自己。 我識朋友，要用時間warm up，去建立信任，所以我有好多朋友，但知心的，現階段只得幾個，我亦相信日後好難再搵到。 領悟 凡事都有第一次，陳鍵鋒拍《學警雄心》，同樣亦付出了一個第一次，就是帶傷開工。拍攝期間，陳鍵鋒遇上一次嚴重車禍，車子報銷事少，連帶頸部亦受了重傷，原本需要足足四個星期的復元時間，陳鍵鋒只?了四日便帶傷復工。 《學警雄心》絕對是我拍得最辛苦的一套劇，除了一日要拍兩組戲，加上大部分時間都是拍操場戲，更曾試過在38度高溫下拍攝，熱到連boot的鞋底都開始溶，每行一步，鞋底都會黐住地下，感覺好核突。 之後就到那次車禍，原本醫生要我?四個禮拜先可以開工，但我只?了四日，唔係我唔想休息，或者公司唔俾我休息，拍戲始終是群體工作，食得鹹魚抵得渴，不可以因為自己而阻住人?。 記得我復工拍第一場戲，就是拍我跑去醫院見爸爸（苗僑偉）最後一面，記得那一日，我仲要帶住個頸箍不斷試戲，到正式拍就除低，那場戲，絕對是我咁多年拍得最唔開心的一場戲。頭傷關係，我條頸唔可以郁得太多，所以跑到好似機械人，淨係下身郁，頸以上就唔郁得，感覺好核突。 你諗?，拍完就係一世，三、四十年後如果有人睇番，可能會話「乜陳鍵鋒跑得咁核突?，佢識唔識做戲?……」，但冇辦法，始終拍戲不是你一個人的事，我又唔係冇?個頭，唔係塊面爛晒，只係條頸唔係好郁得，唔滿意又點？我唔可以亦冇權要求再拍過或者跳拍，我只相信，就算換了是第二個演員，佢都係一樣照拍，你陳鍵鋒唔拍咩？唔緊要，日後就可能會有人話：「你搵陳鍵鋒拍?呀？佢好煩?，咁樣都話唔拍呀……」 呢行就係咁，人言可畏，好唔滿意又點？根本唔到我選擇。 公私 陳鍵鋒出生於一個基督教家庭，父親更是教會牧師。身為藝人，私生活成為別人話題，無可厚非，但對於家人私生活被大肆報道，他就很不開心，可幸家人雖被騷擾，卻反過來安慰陳鍵鋒。 其實由我決定做藝人開始，我就預?俾傳媒跟，我真係唔介意，食得鹹魚抵得渴，如果我做得出就唔怕俾你影。 家人不同，他們冇必要幫我承擔呢樣風險，亦冇必要因為我而被騷擾，爸爸在教會工作咁耐，對佢影響可能唔會太大，但家姐做紀律部隊，傳媒去搞一搞，可能令佢前途有好大影響，咁咪好無辜？ 他們已明白怎樣去應付，就係乜都唔好回應，等我去面對，始終我是藝人，我識得點樣應付。 不過我冇後悔做呢行，當年做DJ，係覺得好好玩，有時自己播完首歌，會有聽眾打來話首歌好好聽，我會好有滿足感。 現在做演員亦一樣，每當做完一個角色，都會有好大滿足感。曾經有人問我，作為基督徒，某些角色會唔會同信仰有衝突，我覺得只要不是刻意去醜化一個宗教，或者會帶來好大的負面影響，就沒有問題。 演員是我職業，舉個例，如果要我演一個佛教徒，我不會覺得有問題，因為只係演戲，係工作；但現實中好似開鏡拜神，我就一定不會參與，既然拜神是希望求個平安，我相信祈禱有同樣效果，我會忠於自己的信仰。 對愛情一樣，我不會理別人點睇，只要我覺得係好就可以，揀女朋友是自己的事，最重要是自己覺得好，每個人睇?都有唔同，點解要顧慮埋別人點睇？ 至於會唔會公開拍拖？我唔會主動公開，你影到我咪認囉。拍拖是人生必經階段，又唔係唔見得光，有乜好驚？ 你快樂嗎﹖ 一個人快樂不快樂，看表情，略知一二。 訪問過程中，陳鍵鋒都面露笑容，唯獨談到交心朋友一項時，眉宇間偶然滲出一絲黯然。 後來，陳鍵鋒在石頭上畫公仔，畫的是個擠眉弄眼的cutie公仔，偏偏遺漏了添上一筆，沒有畫上一張令人一見就明的開心大咀巴，令到原本好得意的公仔，當堂變得好唔開心。 一隻伸出利刺的箭豬，開心定閉翳？ 開心，是因為敵人傷害不到自己；閉翳，是因為有敵人加害自己才要伸出利刺。 
#1楼
|
|
|
发帖时间：2005-05-04 00:19:34 |
回复数：5
|
|
游客组
|
|