-->
崔建邦月前因停牌驾驶，被迫闭关「潜水」，无线高层乐易玲昨日直批邦邦的「glamous life（演艺生命）短时间内唔可能再有」，但无线仍给予机会，提议对方转职幕后，从低做起。
崔建邦自去年底被发现停牌期间驾驶后，形象大插水，但这位前陈志云爱将与无线的合约尚余数年才届满，无线制作资源部总监乐易玲坦承正游说对方转任幕后。
乐易玲说：「之前同崔建邦喺电话倾过佢嘅出路，了解番佢意向，佢系有才华，唔做呢行好嘥，不过系佢自己影响咗自己，坦白讲佢嘅glamous life（演艺生命）短时间内唔可能再有，佢咁后生可以试吓转做幕后，甚至由打杂做起。（无线畀机会佢？）唔系公司畀唔畀机会，系观众接唔接受，观众接受佢，就畀工作佢，畀人投诉即系累咗佢。」
要时间考虑
乐小姐更以2004年因藏毒及后改过自新的周永恒为例，她说：「电视行业唔只系幕前，幕后都有好发展，导演刘伟强都系由摄影小工做起，周永恒入咗无线做幕后，努力几年，结埋婚有埋小朋友，人变得积极，无线都签番佢做幕前，呢啲都系正面例子，可以畀佢参考。」
问乐易玲崔建邦听完有何决定？她说：「佢要时间谂，希望佢可以积极啲去谂，我约咗佢下礼拜见面再倾。（有冇问陈志云意见？）冇同佢倾过，佢亦冇搵过我倾。」而直至截稿前，崔建邦及陈志云均未有回复。
