[] 官恩娜憂心末日恨嫁無期

--> 十多歲便擔任模特兒的官恩娜（Ella），曾多次穿着婚紗影相。昨日她在活動表示期待着上屬於自己的婚紗，「恨嫁的心」可謂表露無遺，她又稱有預言家預測2012年******，擔心沒有福氣結婚生仔。

穿上閃令令連身裙的Ella與薛凱琪（Fiona）昨日出席手機發布會。聖誕節將至，Ella表示好多朋友於本月生日，所以一定要出動參加派對，希望可以撇甩狗仔隊盡情玩。問到男友有否趁聖誕節求婚？她說：「吓？太遙遠喇！我尋日先啱啱做嘢影完婚紗相，由細到大做模特兒影過好多次，但自己嗰套一路都未有機會着，希望卅五歲前可以結婚啦！」另外，Ella出席另一活動時又稱，有預言家指2012年是******，她擔心沒有福氣，不能在******前結婚。
  
薛凱琪被新歡舐面

同場的Fiona身穿露膊衫，大晒骨感美。Fiona自稱是「電器Killer」，經常整壞手提電話，為免資料外洩，她不惜用盡所有方法。Fiona說：「我掉電話之前，會將佢放入洗手盆浸佢一個鐘，咁就整壞晒啲資料啦，係咪好叻呢？」

另外，Fiona前晚於另一活動上大談貓經，提到她新寵Ponyo即滔滔不絕，她說：「Ponyo好似狗咁，成日都纏住我。每朝佢都會舐我塊面，甚至用條脷喺我耳仔窿打圈叫醒我，好得意。之前我對貓有敏感，但死忍之後都適應咗。」