[] 鐘蕙芝泳衣箍肥肉嗌Sexy

--> 鍾蕙芝（Lavina）以偶像Lady GaGa的造型出席記招，為了扮相更神似，還漏夜參考偶像的圖片來偷師。不過一頭珍珠白色假髮，加一身黑色Tube Top襯貼身褲的她與出位的Lady GaGa相比仍有距離，連她亦自嫌造型不夠激。

o靚模Lavina將為「亞洲遊戲展×香港網絡遊戲展2009」的Miss AGS選舉擔任嘉賓導師和司儀，昨日她更以出位美國女歌手Lady GaGa的造型出席記者會，場內亦有幾位以Cosplay打扮的少女為遊戲宣傳。
  
唔暴露有新鮮感

戴上一頭珍珠白色假髮的Lavina與以往形象確有很大分別，再配上一身黑色Tube Top襯貼身褲的打扮，令人耳目一新，可是與造型出位激爆的Lady GaGa相比，仍不太神似。她說：「我好鍾意Lady GaGa，尋晚仲特登睇咗好多佢嘅圖片嚟參考造型。我有着泳衣同打底褲，驚啲肥肉唧出嚟，（你覺得似唔似？）仲差啲啲，唔夠激。」至於打扮不及平日性感，她就表示性感不一定要露肉，她說：「貼身都可以好Sexy?。」

升呢教談吐技巧

將會擔任嘉賓導師和司儀的Lavina自言這次身兼兩職所以感到很緊張，她說：「自己一直都想做司儀，要練好啲口才。（有冇以邊個為目標？）我好鍾意嘟嘟姐（鄭裕玲），佢莊嚴同搞笑都得，我會以佢為目標。（會教啲參賽者咩？）都係同佢哋分享我做模特兒嘅心得，教啲女仔談吐同埋教佢哋點樣答問題。（會唔會教佢哋上位？）我自己都唔係好識。」