[] 埋怨片約纏身多病痛舒淇：唔想搵真命天子

--> 舒淇和張震的戀情似是而非，她早前又被拍到和男伴逛街。舒淇前晚出席手機活動時，自爆片約還極未完，最快要 2013年才有時間拍拖，她更索性公告：「我一啲都唔想搵真命天子！」
舒淇、丁子高、名模姚予晴和陳沛嘉等，前晚在中環出席 Sony Ericsson新手機 Xperia活動，舒淇特別穿上黑色透視裙襯透明屏幕的手機，十分識做。
心思思搵老外
早前舒淇被拍到和男伴買衫行街，似有新戀情，舒淇則指男伴其實是經理人的助手，當日只是陪她去選購金馬獎晚裝，前晚問她豈非又食詐糊？她說：「唔係，係亂寫。」問有否追求者？她說：「我咁忙，冇辦法，做嘢時間都唔夠，休息時間又唔多，放幾日假都有病，新戀情真係好難搵。」問到是否放棄拍拖，舒淇即緊張說：「梗係唔係啦，係等待緣份。」白龍王有甚麼指引？她說：「我從來唔會問戀情事，只係想佢保佑我工作順利同健康。」她又強調和張震是 12、 13年好友，有記者提議她向異地姻緣發展，找外籍男友，她說：「曾經有諗過，冇時間，又要學英文。」之後舒淇索性說：「我一啲都唔想搵真命天子，因為太多片約，冇時間拍拖，如果 2012年仲未******，我都仲還緊片債，邊有時間拍拖。」
聖誕新年開工
舒淇指聖誕、新年都要繼續開工，可能和工作人員一同過聖誕，她說：「記得有一年拍劉偉強嘅戲，拍得好辛苦，之後返到酒店房，佢哋送咗棵聖誕樹畀我，好開心。」此外，每逢年底多相士預測運程，有風水師指楊千嬅會生虎仔，丁子高說：「都 OK，不過我屬羊，想生兔仔，同我夾啲喎。」採訪： Jessica Ngan攝影： Wong Wai Hung