[] 馮仁昭四圍超：人殘志堅寫書寄意　羅君左生命之火燃病人鬥志

--> 羅君左（斌仔）因為糖尿病，搞到要兩度截肢，切完右腳半截小腿後，連剩低嗰半截都要切埋。雖然面對咁大嘅打擊，但斌仔完全冇氣餒，話要堅強咁繼續生活落去。噚日馮仁昭去九龍醫院探斌仔，佢話有位糖尿病專科醫生同唔少團體都有搵佢出席講座，又有健康產品想搵佢做宣傳，自己又計劃出書等等，總之就有一連串大計。馮仁昭勸佢唔好一味掛住做嘢，最緊要都係調理好自己身體。問佢經濟有冇問題時，斌仔就話：「喺望到嘅未來，係冇問題。但如果人哋有愛心幫我，我會接受，好多謝佢哋。」
讚李添勝賞罰分明
講到斌仔有份做嘅《巾幗梟雄》喺台慶頒獎禮度威到盡，斌仔就勁讚《巾》劇監製李添勝係個賞罰分明嘅人，佢話：「早年拍劇有個演員遲大到，要成廠人等佢，添哥見佢嘅遲到解釋好牽強，就同佢講：『我求其搵個臨時演員講埋你啲對白都得啦，我?家唔需要你，你走啦。』跟住搵人頂咗佢。」斌仔唔肯透露個演員身份，只係話佢已經好快喺呢行消失咗。